லீ: சிங்கப்பூரின் சூரியன் !!!

‎லீ_குவான்_யூ‬!

ஒரு சூரியனின்
அஸ்தமனத்தில் புலர்ந்திருக்கிறது
இன்று சிங்கப்பூரின்
கரிய விடியல்!

முற்போக்குச் சிந்தனையின்
முழு வடிவம்
முன்னேற்ற பாதைக்கான
முழுப்பொருள்!

அகதியாய் பொருள் கொள்ளப்பட்ட தமிழர்களை அதிகாரத்தில்
அமர்த்திய நல்லறம்!

அமுதத் தமிழ் மொழியை
அரியனை ஏற்றிய கோமான்!

அமைதியில் உறங்குக!
அமைதியில் உறங்குக!
உமக்கு எம் தமிழ் மக்களின்
இதய அஞ்சலி!!!

சிங்கப்பூரில் இந்தியர்கள் என்றாலே தமிழர்கள்தான். சிங்கப்பூரை இந்த அளவிற்கு கட்டமைக்க எனக்கு பக்கபலமாய் இருந்ததும் தமிழர்களே என அடிக்கடி சொல்லி வந்த சிங்கப்பூரின் தந்தை திரு.லீ குவான் யூ (1923-2015) 

‘ஓங்கி ஒலித்த குரல்’ அடங்கிவிட்டது.

-வைகோ.

லீ க்வான் யூஅரிய முத்துக்கள் பத்து...

* சிங்கப்பூர் என்ற தேசத்தை செதுக்கிய சிற்பியான 'லீ க்வான் யூ', பாபாக்கள் என்று அழைக்கப்படும் சீனப் பாரம்பரியம் கொண்ட குடும்பத்தில் பிறந்தவர். வாழ்ந்து கெட்ட குடும்பத்தை லீயின் அம்மாதான் தூக்கி நிறுத்தினார்.

* சிறு வயதில் லீ க்வான் யூவுக்கு இங்கிலாந்து மீது ஈர்ப்பு அதிகம். முதல் உலகப் போரில் ஜப்பான், இங்கிலாந்தை பந்தாடியபோது அந்த ஈர்ப்பு அவருக்கு போய்விட்டது. அதுவே பின்னாளில் அவரது இங்கிலாந்து எதிர்ப்புக் கொள்கையாக மாறியது.

* உலகில் அதிக ஆண்டு காலம் ஜனநாயக அரசு ஒன்றின் பிரதமராக இருந்தவர் லீ. டோயின்பீயின் சிந்தனைகளால் கவரப்பட்டவர். 'கற்பனைத்திறன் கொண்ட சிறுபான்மையினரே நாட்டை செதுக்குவார்கள்' என்ற அவரது கருத்தில் நம்பிக்கை கொண்டவர்.

* இந்தியா - பாகிஸ்தான் பிரிவினை காந்திக்கு எவ்வளவு வருத்தத்தைக் கொடுத்ததோ லீக்கு அந்த அளவு வருத்தம் கொடுத்தது மலேசியா - சிங்கப்பூர் பிரிவினை. இயற்கை வளங்கள் இல்லாத சிங்கப்பூரை மலேசியர்கள் சிலர் ஏற்றுக்கொள்ள மறுத்தனர். அந்த கோபமே லீயின் வைராக்கியமாக மாறி சிங்கப்பூரை வளர்ச்சி பெறச் செய்தது.

* 'அடியாத மாடு படியாது' என்பதில் நம்பிக்கை கொண்டவர் லீ. ''பள்ளியில் படிக்கும்போது நான் தவறு செய்தால் ஆசிரியர்கள் பிரம்பால் விளாசுவார்கள். அதுவே என்னை ஒழுக்கமாக மாற்றியது. அதனால்தான், தவறு செய்வோருக்கு பிரம்படி கொடுக்கும் தண்டனை அமல்படுத்தினேன்'' என்பார்.

* விளையாட்டு, பொழுதுபோக்கு பிரியர் லீ. கோல்ப், நடனம், நீச்சல் அவருக்கு பிடித்தமானவை. சிகரெட், பீர் பழக்கம் இருப்பதை வெளிப்படையாகவே ஒப்புக்கொண்டவர். ஒரு கட்டத்தில் தொப்பை போடுவதால் பீரை நிறுத்தினார். புகைப்பதால் மக்கள் ஓட்டுப்போட யோசிக்கிறார்கள் என்று உளவுத்துறை சொன்னபோது அதையும் நிறுத்தினார்.

* லீயை பொறுத்தவரை புனைவு நூல்கள் குப்பை. அவரே பல நூல்கள் எழுதியிருக்கிறார். அவருக்கு மிகவும் பிடித்த எழுத்தாளர் டாம் கிளான்சி.

* இன்றைய அரசியல்வாதிகள் லீயிடம் கற்கவேண்டியதில் முக்கியமானது மதச்சார்பின்மை. 'அரசியல், பொருளாதாரம் பற்றி ஏதேனும் சொல்ல வேண்டுமானால் உங்கள் மத அங்கிகளை கழற்றிவிட்டு வாருங்கள்'' என்பார் லீ.

* அவரது ஆட்சியில் கேள்விகள் கேட்ட எதிர்க்கட்சியினர், பத்திரிக்கையாளர்கள், மனித உரிமையாளர்கள் சிறையில் தள்ளப்பட்டனர். ஊழல், வறுமை, உள்நாட்டு குழப்பம் என்று சிக்கலாக இருந்த சூழலில் நாட்டை முன்னேற்ற தனக்கு வேறு வழி இல்லை என்றார் லீ.

* தன்னைப் பற்றிய சர்ச்சைகளை பொருட்டாக எடுத்துக்கொள்ள மாட்டார். படித்தவர்கள், படித்தவர்களையே திருமணம் செய்துகொள்ள வேண்டும் என்கிற அவரது கொள்கை மிகுந்த சர்ச்சையைக் கிளப்பியது. மனித அறிவு வளர்ச்சிக்கும் மரபணுக்களுக்கும் நெருங்கிய தொடர்பு இருப்பதாக கருதிய லீ அவ்வாறு அறிவித்தார்.

புகழ் வணக்கம் ‪லீ‬ ‪‎க்வான்‬ ‪ ‎யூ‬...

பராமரிக்க முடியாத ஒரே காரணத்தால், மலேசியா வருத்தத்துடன் கைவிட்ட நாடு- ‪‎சிங்கப்பூர்‬...

‪‎போதுமான‬ குடிநீர் கிடையாது...

‪கனிம‬ வளங்கள் என்று எதுவும் கிடையாது...

ஆனால், தனியாகப் போராடி, ‪‎தொழில்த்‬ துறையில்‪ வல்லரசுகளுக்குச்‬ சவால் விடும் அளவு முன்னேற்றம்...

‪‎மென்பொருள்‬, வன்பொருள் வல்லுனர்கள் அதிகமாய் வேலைக்குச் செல்ல ஆசைப் படும் நாடு(சிலிகான் வேலிக்குப் போட்டியாய்)

‪சுற்றுலாத்துறையில்‬ அபரிவிதமான வளர்ச்சி...

இத்தனையும் சாத்தியமானது- ஒரே ஒருவரால்- #லீ #க்வான் #யூ...
எப்படி சாத்தியமானது அனைத்தும்...???!!!
அவரது- ஒரே சூத்திரம்- சிங்கப்பூரில் வாழும் அத்தனை ‪தேசிய‬இனங்களையும் மதித்தார் அவர்...

‪‎தமிழை‬#ஆட்சிமொழி ‪ஆக்கி‬ ‪அழகு‬ பார்த்தார்...
எனவே சிங்கப்பூரைத், தன் நாடாகவே பார்த்தான்- அத்தனை தமிழனும்..

ஈன இந்தியம் கொடுக்க மறுக்கும் ஆட்சிமொழி அங்கீகாரத்தை,
வழங்கி, தமிழை கவுரவப்படுத்திய அவருக்கு, நன்றி நவில்தல் நம் அனைவரின் கடமை...

‪இன்னும்‬ ‪முக்கியமாக‬, ‪‎ராசபக்சே‬ ஒரு ‪இனப்‬‪‎படுகொலையாளன்‬-இலங்கையில் நடந்தது, இனப்படுகொலை (Genocide) என்று உலக அரங்கிற்கு உரக்கச் சொன்னவர் அய்யா #லீ #க்வான் #யூ..

நம் மொழியையும், இனத்தையும் மதித்த சிங்கப்பூரின் தந்தைக்கு , உலகத் தமிழர் அத்துணை பேரின் சார்பிலும்
புகழ் வணக்கம் செலுத்துவோம்..

ராமநாதபுரம் அரண்மனை வீதியில்,குடிகார எஜமானரிடம் பரிவு காட்டிய ஐந்தறிவு ஜீவன்!

குடிகார எஜமானரிடம் பரிவு காட்டிய ஐந்தறிவு ஜீவன்!

ஆறறிவு உள்ளவர்களாக காட்டிக்கொள்ளும் மனிதர்களுக்கு, ஐந்தறிவு கொண்ட ஜீவன் ஒன்று தனது செய்கையின் மூலம் பாடம் நடத்தியிருக்கும் காட்சி ஒன்று நம் கண்களில் சிக்கியது.

ராமநாதபுரம் அரண்மனை வீதியில் மாலை நேரத்தில் ஆயிரக்கணக்கான மக்கள் கூடுவர். வாகன போக்குவரத்தும் அதிகமாக உள்ள அந்த மாலை நேரத்தில் காளை மாடு ஒன்றை கையில் பிடித்து வந்த ஒருவர் மதுவின் போதை தலைக்கு ஏற சாலையிலேயே சாய்ந்துவிட்டார். தமிழகத்தில் அன்றாடம் நடக்கும் நிகழ்வுதானே என எண்ணிய மக்கள் இதனை கவனத்தில் கொள்ளாமல் கடந்து சென்றனர். இந்த நிலையில்தான் அந்த போதை மனிதர் கூட்டி வந்த காளைமாட்டின் எஜமான் விசுவாசம் வெளிப்பட்டது.

போதையில் தன்நிலை மறந்து கிடந்த தனது எஜமானரை நாவால் வருடியும், காலால் உரசியும் பயனில்லாமல் போனது. இதனால் அந்த குடிகார எஜமானரின் அருகிலேயே காளை மாடும் படுத்து கொண்டது. இதன் பின் நடந்த சம்பவங்கள் இன்னும் சுவையானது.

உச்சகட்ட போதையில் உருண்டு கிடந்த அந்த நபர், தான் என்ன செய்கிறோம் எனத் தெரியாத நிலையில் தனது கை, கால்களை வாகனங்கள் சீறி பறக்கும் சாலையில் பரப்பியபடி புரண்டு கொண்டும், அவர் அருகில் படுத்திருக்கும் காளைமாட்டின் முகத்தினை தடவிவிடுவதுமாக இருந்தார். குடிபோதையிலும் தன் மீது பாசம் காட்டும் தனது எஜமானரை நினைத்து உருகிய அந்த காளை, அவ்வப்போது சாலையின் மையப்பகுதிக்கு சென்று, தனது எஜமானரின் கை, கால்கள் மீது தனது கால்களை போட்டு அமுக்கியவாறு அரண் அமைத்தது. இதனால் அப்பகுதியில் சென்ற வாகனங்களில் சிக்கி சிதையாதவாறு தப்பித்தார் அந்த குடிகார எஜமானர்.

மன்னராட்சி காலத்தில் மக்களுக்கு அரணாக திகழ்ந்த மன்னன் வாழும் இடம் அரண்மனை ஆகும். அந்த அரண்மனை அமைந்திருக்கும் சாலையில் சென்ற மக்கள் ஒரு காளை மாட்டின் எஜமான் விசுவாசத்தை கண்டு மெய்சிலிர்த்து போனார்கள்.

இதுபோன்ற ஐந்தறிவு ஜீவன்களிடம் உள்ள பரிவை, ஆறறிவு உள்ள மனிதர்களும் காட்டுவார்களா?

//நன்றி : விகடன் //

காட்டுக் கருவேலமரங்களை ஒழிப்போம் ! நம் மண்ணின் மாண்பை காப்போம் !!

இராமநாதபுரம் மாவட்டத்தில் தொடங்கிவைக்கப் பட்டு இன்று தமிழகமெங்கும் தழைத்தோங்கி வளர்ந்திருக்கும் காட்டுக் கருவை பற்றிய செய்திகள் நிறைந்த கவிதை .

தெற்கத்திச் சீமையை தெம்பாக்க 

மரம்  வளர்ப்புத் திட்டம் தந்த 

மகராசரே !

“கல்விக்கண் திறந்தவரு 

கண்மாய்குலம் கண்டவரு” னு 

கட்சிக்காரங்க பாடுற பாட்டைக் 

காதுகொடுத்துக் கேட்டிருக்கேன் 

காமராசரே!

நீ தந்த திட்டத்தால் 

நாங்க படும் பாட்டையும் 

கோவிச்சுக்காம கொஞ்சம் கேளு!

வருணபகவானுக்கு வழிதெரியாத 

எங்கஊருக் காடு கழனியில் 

வேலை  எதுவும் இல்லாம 

வெட்டியா இருந்த எஞ்சனங்களுக்கு

வெட்டிவேலை தந்த 

கெட்டிக்காரரே!

ஆமா.....

நீ தந்த கருவேலவிதைகள் 

உன்புகழச் சொல்லிச்சொல்லி

உன்புகழச் சொல்லிச்சொல்லி

‘ஒய்யாரமா ’ வளந்திருக்கு 

அதுனாலே நீ

கர்மவீரர் மட்டுமல்ல 

கருவேலரும் தான். !   

வெறகு வெட்டி மூட்டம் போட்டு 

வருமானத்தை பெருக்கச் சொல்லி 

நீதந்த வெதைவித்துக்களை 

அறுவடைசெய்ய

எஞ்சனங்களும்

வெட்றாங்க... வெட்றாங்க

வெட்டிக்கிட்டே இருக்காங்க

அருவாளும் அழுகுது 

இடைவேளை கேட்டு!

அண்ணா தந்த அரிசி கூட 

அள்ள  அள்ளக் குறையுது 

ஆனா-

நீ தந்த அட்சய மரம் ...

அடடா...!

உன்னால நான் படிச்ச பாடம் 

“வெட்ட வெட்ட 

வேகமாத் தழையிறது 

வாழைமரம் மட்டுமில்ல 

நீ தந்த 

வேலமரமும் தான்!”

நீதந்த அதிசய மரங்கள் 

என்னைக்காவது ஏமாந்ததனமா 

வழிதவறிப் பெய்யுற 

கொஞ்ச நஞ்ச மழைத்தண்ணியவும்

அடையாளம் தெரியாத அளவுக்கு 

அப்பவே சாப்பிட்டுருதே..! 

ஒருகாலத்துல –

முத்துமுத்தா நெல்லு வெளஞ்ச

எங்க சேதுசீமையோட 

சொத்துக்களைக் காப்பாத்த- 

வறட்சியத் தாங்குற 

புரட்சியச் செஞ்ச கர்மவீரரே! – நீ 

என்னைக்குமே எங்களுக்குக் 

‘கர்மா வீரர்’ தான்!

அரசியல் வளர்ச்சிக்கு

நீதந்த ‘ K Plan ’  ஐ 

ஆட்சியில மாறிமாறி 

அமருறவங்க நினைவுல 

இருக்கோ இல்லையோ 

நீ தந்த இந்த ‘ K Plan ‘ ஐ 

மாத்தி- எங்க 

மண்ணைக் காக்குற திட்டம் 

மருந்துக்குக்கூட இல்லை!

காந்திக்குக் கதர் மாதிரி 

ஒருவேளை – உன் 

நெனவுக்கு அடையாளம்னு 

நெனக்கிறாங்களோ என்னமோ ...!

இன்பச்சுற்றுலான்னு    

கேட்டிருக்கேன் – ஆனா 

என்னைக்காவது 

இராமநாதபுரத்துப் பக்கம்

யாரும் வந்ததுண்டா?

எது எப்படியோ –

ஆனை கட்டிப் போரடிச்ச 

பாண்டியனார் தேசத்துக்கு 

இப்போ 

‘ தண்ணியில்லாக்காடு’னு 

பேருவாங்கித் தந்த 

பெருமையெல்லாம் 

உங்களைத்தான் சேரும்...

இத்தனைக்கும் உத்தமரே – இது 

நீ பொறந்த மண்ணு இல்லையா...!

இதுக்குமேல உன் புகழச் சொன்னா

‘ இவன் ஏதோ 

சாதிக்கலவரத்த தூண்டுறான்டா ‘ னு 

சங்கத்தைக் கூட்டி சிலபேரு 

சந்திக்கு வந்துருவாங்க

ராசரே...!

நேரமாச்சு ,

நான் போறேன் வெறகு வெட்ட...

- பெயர் சொல்ல விரும்பாத மண்ணின் மைந்தரான ஒரு பேராசிரியர். #

வனமற்ற தமிழகம்

தமிழகத்தின் வனப் பரப்பு 17.59% தான் உள்ளது.