ஃபேஸ்புக்கில் வைரலாகும் ‘ஃபேஸ் ஆப்’
ஒவ்வொரு கால கட்டத்திலும் ஒரு குறிப்பிட்ட விஷயம் இணையதளத்தில்
வைரலாக பரவி பரபரப்பை ஏற்படுத்தும். அந்த வகையில் கடந்த சில நாட்களாக
ஃபேஸ்புக்கில் வைரலாக பரவி வரும் விஷயம் ‘ஃபேஸ் ஆப்’. இதன் மூலம் ஆண் முகத்தைப் பெண்
முகமாகவும் பெண் முகத்தை ஆண் முகமாகவும் மாற்றலாம். நீங்கள் வயதானால் எப்படி இருப்பீர்கள்
என்றும் மாற்றிப் பார்க்கலாம். இளைஞராக இருக்கும் உங்கள் முகத்தைக் குழந்தை
முகமாகவும் மாற்றிப் பார்க்கலாம்..
நம் புகைப்படத்தை எடுத்து அதில் அப்லோட் செய்துவிட்டால் போதும். அதில் இருக்கும் வசதிகள் மூலம் பல்லைக்காட்டிக் கொண்டு சிரிப்பது போலவும், நமது இள வயதுத் தோற்றம் மற்றும் முதிய தோற்றம் ஆகியவற்றை கொண்டுவர முடியும். இது போன்ற ஆப்கள் ஆயிரக்கணக்கில் கொட்டிகிடந்தாலும் மற்ற ஆப்களை போல் அல்லாமல் உண்மையில் நாம் முதிய வயதில் இப்படிதான் இருப்போமோ? என்று பயனாளரை எண்ண வைக்கும் அளவிற்கு துல்லியம் காட்டுகிறது. அதில் முகத்தை பெண் முகம் போல மாற்றும் வசதி நம்மையே வெட்கப்பட வைக்கும் அளவிற்கு இருக்கிறது என்பது குறிப்பிடத்தக்கது.
இந்த ஆப்பை கூகிள் ப்ளே ஸ்டோரில் தரவிறக்கம் செய்து நீங்களும் பயன்படுத்தி கொள்ளுங்கள்.
